Prezida wa Ukraine, Volodymyr Zelenskyy, asaba ibihugu vyo mu burengero gushigikira igihugu ciwe, nkuko vyabikoze mu mpera y’indwi iheze kuri Isirayeri mu kuyifasha kuburizamwo ibitero vy’akataraboneka Irani yagavye ku butaka bwayo.
Zelenskyy yagize ati: “ Mu kugwanira Isirayeri, Amerika yerekanye ko ubumwe no gushigikirana kuri urwo rugero bishoboka ijana kw’ijana.”
Igisirikare ca Isirayeri cemeza y’uko kibifashijwemwo na Amerika hamwe n’izindi ncuti za Isirayeri, caburijemwo ibice 99% vy’ibitero Irani yayigavyeko ku musi wa gatandatu. Amerika yariyemereye ko yafashije Isirayeri kwivuna, ariko ica igirako itomora y’uko ari nka hamwe Isirayeri yokwihora, itazoyifasha.
Tags
Amakuru