Iryo tangazo, ritazwi neza abarikoze, ryaje nyuma y'amakuru atandukanye avuga ku buzima bwa Perezida Kagame nyuma y'ibyumweru hafi bitatu ataboneka mu ruhame.
David Himbara, umwe mu batavuga rumwe n'ubutegetsi bw'u Rwanda, wahoze ari umujyanama mukuru wa Kagame mu by'ubukungu ubu uba mu buhungiro, muri iyi minsi yakunze gutangaza ko Perezida Kagame arwaye, kandi arwariye mu Budage.
Ayo makuru ntabwo yigeze yemezwa cyangwa ngo ahakanwe n'ibiro bya perezida cyangwa n'urundi rwego rw'ubutegetsi mu Rwanda.
Kutaboneka mu ruhame kwa Perezida Kagame muri iyi minsi kuracyagarukwaho na benshi ku mbuga nkoranyambaga, no mu biganiro bwite by'abantu.
Nkuko tubikeaha ikinyamakuru BBC cagerageje kubaza ibiro by'umukuru w'igihugu kuri ibi bivugwa, ntibyashoboka kugeza ubu.
Mu gihe benshi bakibaza ku bivugwa, igisirikare cy'u Rwanda cyatangaje ko itangazo cyari cyitiriwe kuri ibi bivugwa ari 'Amakuru atari yo'.
Perezida Kagame aheruka kuboneka mu ruhame tariki 6 z'uku kwezi ubwo yakiraga itsinda rivuye ku ishuri ryitwa Hope Haven Christian School rikorera i Kigali mu Rwanda.